طريقة سهلة للتشيز كيك توت

بتحبي التشيز كيك ؟؟ نفسك تعمليه في البيت بس خايفه يطلع وحش !! جبتلك طريقة سهلة وبسيطة ومش محتاجة تكوني شاطرة في المطبخ كفايه انك تتبعي نفس الخطوات ..

مقادير التشيز كيك بالتوت:

- جبنة كريم تشيز ( ٢٠ مكعب من الجبن الكيري أو برطمان جبن مطبوخ بالقشطة)

- علبة  زبادي 

- ٢ بيضة

- نصف كوب سكر

- فانيليا

- عصير ليمونة

- ٢ ملعقة كبيرة كورن فلور

- ٢ باكوا بسكويت ماري

- ٧٥ جرام زبد

-علبة توت (كمبوت )

خطوات التشيز كيك بالتوت

بنضع  الزبد على النار بعدها نببتدي نطحن البسكويت ونضعه في صينية بيركس مناسبة ونضيف ليه الزبد السائح مع ثلاثة ملاعق ماء. امزجي البسكويت مع الزبذ والماء جيدا.

هتبتدي تساوي البسكوت في  قاع الصينية ثم  نضعها فى الفريزر لحد ما نخلص عمل الكريمة .

لعمل الكريمة، نضع الجبن فى طبق ( يكفي برطمان كبير جبنة برزيدون بالقشطة) ونضيف له الزبادي والسكر والفانيليا والبيض والكورن فلور وعصير الليمون. وممكن تستخدمي لمضرب الكهربائي لخلط المكونات دي مع بعض .

 اخرجي صينية البسكويت من الفريزر وضيفي ليها الخليط. واستخدمي ملعقة حلوى صغيرة لتسويه السطح. 

 ضعي صينية  التشيز كيك البيركس فى صينية أخرى أكبر منها تكون مليانة  إلى نصفها بالمياة ثم هنحطها في الفرن. الغرض من الماء هنا هو اننا نحافظ علي البسكويت من انه يتحرق .

 بعد نصف ساعة نقوم بغرس السكينة في التشيز كيك للتأكد من نضجها وبعدين نخرجها من الفرن ونسبيها  تبرد قليلا ونحطها في الثلاجة .

تقدم التشيز كيك باردة بعد ما نزيين وشها بقطع التوت اللذيذة (كمبوت) وبالهنا والشفا .