فطارك عندنا :جمبري بالصلصة علي الطريقة الأسبانية

كلنا بنزهق من الأكلات التقليدية وعشان كده جبتلك طريقة جديدة وسهلة جدا من الجمبري   ,تعالي نشوف هنعملها ازاي :-

المكونات

ا ك جمبري حجم متوسط

5 فص ثوم

1 معلقة زبدة

 1/2 معلقة فلفل أسود

1معلقة ملح

1قليل من القرفة

 2 ثمرة طماطم

1 معلقة صلصة

قليل من الشطة

قليل من الكمون

اولا  بنقطع الثوم لقطع صغيرة ونحط عليه رشة من الفلفل والملح ونقلبة مع السمن كويس لحد ما يتحمر ويبقي لونه ذهبي ..

ثانيا نضيف الجمبري الي بيكون مغسول كويس جدا عشان صحتنا طبعا ونقشره وبعدين نسيبه دقيقتين وبعدين بنضيف الصلصة والطماطم بعد ما يكونوا متسبكين كويس ونضيف بعدها الثوم والشطه وكله يتقلب مع بعضه .

واخيرا  هنسيبه كله يستوي مع بعضه لمدة 9 دقايق بس ومتزيدش عن كده عشان نضمن ان الجمبري يفضل ناضج  وبكده ممكن تعملي معاه رز وسلطة خضراء وطحينة وبالهنا والشفا .