الملوخية أصلها وفصلها وفوايدها

أكلة الملوخية  هي اكلة مصرية قديمة واتنقلت لبلاد عربية كتير  وفي روايات كتيره بتتعلق بنشأتها وازاي بقي اسمها ملوخية ..

الرواية الأولى حكاها بلينوس الي عاش في القرن الأول  بعدالميلاد وقال وقتها ان الملوخية كانت بتتاكل في زمانه في الاسكندرية  وناس تانيه قالت انها من ايام الفراعنة فكانوا بيعتقدوا  انها نبات سام  ولما الهكسوس احتلوا مصر فاجبروا المصريين على أكلها  كنوع من الاخافة والذل والمفاجأة انها لما كلوها كان طعمها حلو وبقيت أكله مفضلة لحد دلوقتي .

الرواية الثانية 

وهى عكس الأولى تماما فبتقول أن  الخليفة الحاكم بأمر الله اصدر أمرا بمنع أكل الملوخية على عامة  الناس وخلاها حكرا على الأمراء والملوك فسميت (الملوكية) وبعدين الاسم اتحرف لحد ما بقي اسمها ملوخية .

 الرواية الثالثة

 بتقول أن أول معرفة للعرب لها  في زمن المعتز لدين الله الفاطمي لما جاله مغص حاد في أمعائه
فنصحه الأطباء بأكلها وبالفعل خف تماما من مرضه وبعدها قرر احتكار أكلها لنفسه والمقربين منه .

*هناك كمان عادات مصرية خالصة فى طبخ الملوخية وأهمها الشهقة وهي عندما نضيف التقلية  الي الملوخية وهى من العادات  الي ملهاش أي أساس من الصحة والدقة ولكن السيدات المصرييات بيقتنعوا أن الملوخية مش هيبقي ليها طعم من غير الشهقة

طعمها حلو ..طب فايدتها ايه ؟؟

تحتوي علي فيتامين  ب وده بيساعد علي الحماية من فقر الدم ..

 فيها  نسبة مرتفعة من الألياف وده بيديهادوراً مهماً في مكافحة الإمساك والحفاظ على صحة القولون  

..تساعد  الملوخية في منع تكوّن الحصى في الكلى والمثانة والإصابة بالتهابات المسالك البولية

.  تحتوي الملوخية على نسبة عالية من البروتينات.

-الملوخية غنية بالفيتامين A الذي تحتفظ به عند طبخها وتجفيفها . وطبعا ده ليه دوراً مهماً في الحفاظ على صحة النظر.

- تساعد المادة المخاطية الموجودة في ورق الملوخية على تليين المعدة وتهدئة أغشية المعدة والأمعاء.