هتختاري سيراميك بيتك ازاي ؟؟

يعتبر السيراميك من أهم الخطوات الي بنمشي عليها في تجهيز شقتنا لأنه بيستخدم في الحمام والمطبخ وفي أرضيات الشقه كلها ودايما بيبقي في حيرة كبيرة في ازاي نختار الألوان ونروح نشتري منين وأنهي ماركة هتكون أفضل لكن أنا مش هقول اسم ماركه تشتريها بس هساعدك في انك تعدي مرحلة اختيار السيراميك دي بكل سهولة من خلال مجموعة من النقط :

اولاً: الماركة 

والمقصود بيها  الاسم التجاري للشركة المصنعة، وطبعا دي حاجة مهمه جدا فإسم الشركة واذا كان  محلي الصنع او مستورد شئ مهم جداً، لأن تاريخ واسم الشركة هيضمن لك جودة السيراميك اللي  هتختارينه، كمان بيحددلنا ا السعر، فكل شركة بتحدد أسعارها حسب الخامات فلازم تختاري حاجة يكون لها اسم عشان تضمني جودة السيراميك

ثانيا :المقاس

والمقصود بيها حجم البلاطة الواحدة فلازم يتم اختيارها علي حسب مساحة المكان فممن أنك تختاريها كبيره لو المكان واسع لكن لو المكان صغير فلازم تبقي صغيرة .

ثالثا :الألوان

خليكي جريئة ودايما اختاري الألوان المختلفة ومتربطيش بالحاجات التقليدية لأنك هتزهقي بسرعة منها ,وكمان لازم يبقي في تناسق مع الحوائط والمفروشات والديكور الخاص بشقتك ..لازم تبعدي عن الألوان الغير مريحة للعين وكل ده  عشان يظهر ويبقي بيتك كأنه لوحة فنية بالظبط .

رابعا تصميم السراميك

سيبي خيالك براحته وصممي انتي بنفسك شكل السيراميك بلاش تحطي البلاطات بشكل واحد في الشقه كلها نوعي حسب المكان ,اختاري سجاد بحجم مناسب  عشان يبقي في فرصه لسيراميكك يتشاف .

خامسا :السعر

حاولي تعملي موازنة  اختاري سعر سيراميك يكون متوسط عشان ميأثرش علي ميزانيتك في تركيبه ولا في تجهيز بقية الشقة .ابعدي كمان عن الأسعار الرخيصة عشان هتكون جودتها قليلة وساعتها هتغيره في أسرع وقت .