متأجلش الخير لبكره !!

كتير مننا بيحب يعمل خير طول السنة بس لما نعرف أن الخير الي بنعمله ده هيكون مضاعف في رمضان يبقي لازم نزوده ونهتم بيه أكتر فتخيل ان ممكن بفلوس او بهدوم او بحاجات بسيطة جدا هتاخد بيها ثواب عند ربنا وكمان هتساهم ان غيرك يفرح وانت كمان هتفرح لأن السعادة الحقيقية بتزيد لما تتقسم علي اتنين وساعتها هتدوم أكتر .ومن ناحية تانيه مينفعش تقتصر الخير عليك انت بس !! لازم انك تشارك الي حواليك كمان وتقنعهم يشاركوا معاك .عن طريق فلوس أو ملابس او حاجات قديمة ..

الجوع :

 ياتري انت عارف ان في ناس بيعدي عليها ايام مش لاقيه في أكل ولا ليها ولا ولادها طب لو احنا الكبار مش بنستحمل الجوع كام ساعة فما بالك الأطفال !! في حين ان احنا ممكن نرمي أكل مش محتاجينه ..انت بمشاركة منك علي قدر استطاعتك طبعا هتقدر تساهم ان مفيش حد يجوع تاني ولا طفل ولا بنت ولا  راجل كبير ..

اللبس :

 في الشتاء الي كل الناس بتبقي سقعانه فيه وبتلبس مية حاجة وبتتغطي مية بطانية تخيل بقي ان في ناس مش لاقيه حاجة تلبسها وعائلات كتير بيناموا علي الأرض جنب بعض عشان معندهمش غير بطانية واحدة ...تعالي معايا تخيل حجم الثواب والسعادة الي هتحسها لما تساعد حد محتاج منهم سواء بلبس قديم عندك او بتبرع مادي ..

العلاج :

مش هكلمك عن الألم الي بيحسه اي حد تعبان مش لاقي دوا ولا رعاية ...بس هكلمك عن شعورك لما يجيلك شوية صداع بتجري علي الصيدلية وتجيب دوا تخيل ان في حد عنده مرض خطير ومش عارف يجيب الدوا لكنه مضطر انه يستحمل ..

الاماكن دي فيها كل طرق التبرع وبكده هتقدر تساهم في انك تشيل الألم عن حد....روح واتبرع دلوقتي ...متأجلش الخير لبكره

بنك الطعام المصري :

حساب موحد في البنوك 888777

عن طريق فودافون كلم 7000

رسالة ل 9595 ب5 جنية سعر الرسالة او ممكن تدخل علي موقعهم

http://www.egyptianfoodbank.com/donationways

مؤسسة مصر الخير :

اتصل ب 16140 دلوقتي وهيوصلك مندوبهم لحد البيت وزور موقعهم

http://www.misrelkheir.org/pages/donate.html

مؤسسة أهل مصر :

للتبرع اتصل على  01026001315 

لخدمتكم اتصل على01000972729

الموقع http://www.ahl-masr.org  

جمعية صناع الحياة :

 رقم الحساب: 999888 في كل البنوك المصرية ووللاستفسار 16563

 / http://www.lifemakersegypt.org

مؤسسة مجدي يعقوب

رسالة فيها كلمة ميجا على 9698 أو اتصل على 19731 .